Er du opptatt av den grøne omstillinga? Liker du å bygge relasjonar på tvers av menneske og land? Har du eit talent for å formidle, skape engasjement og drive prosjekt? I Maritime CleanTech søker me ny kollega – her får du sjansen til å realisere ambisjonane dine!

Om oss:

Maritime CleanTech spelar ei nøkkelrolle i å utvikle nye klimavenlege løysingar for skipsfarten saman med industrien. Me søker kandidatar som deler engasjementet vårt for innovasjon og omstilling, og som gjerne leier prosjekt- og kommunikasjonsaktivitetar i strategiske satsingar saman med næringslivet.

Hos oss vil du raskt bli involvert i teamarbeid, internasjonalt samarbeid og grøn omstilling, og få arbeide med forretningsutvikling og strategiarbeid. Gjennom tett samarbeid med våre 150 medlemsbedrifter vil du jobbe i eit unikt nettverk av dyktige partnarar frå industri, FoU og offentlege aktørar. Me har kontor i Bergen, Stavanger og på Stord.

Kva du skal gjere:

• Prosjektleiaransvar for kommunikasjonsaktivitetar i ulike grøne maritime prosjekt

• Koordinere nasjonale og internasjonale marknadsaktivitetar

• Planlegge og gjennomføre arrangement

• Følge opp og utvikle kommunikasjonsstrategi, nettside og -kanalar

• Tekstproduksjon og søknadsskriving

• Følge opp medlemsbedrifter og samarbeidspartnarar

Kva me ser etter:

Nokon som er klar til å gjere ein forskjell! Du kan gjerne ha:

• Erfaring frå næringsliv, media, politikk og/eller ein mastergrad i innovasjon, journalistikk, kommunikasjon eller relaterte felt.

• Engasjement for næringsutvikling og innovasjon, og gjerne energiomstilling, skip og teknologi.

• Sterke kommunikasjonsevner – både skriftleg og munnleg på norsk og engelsk. Bonuspoeng for kompetanse og erfaring i prosjektarbeid og/eller innhaldsproduksjon.

• Eit proaktivt og samarbeidsorientert tankesett.

Kva me kan tilby:

• Jobbe tverrfagleg med banebrytande samarbeid som gjer ein reell forskjell.

• Samarbeide med framoverlente ekspertar og bransjeleiarar.

• Bygge solid internasjonalt nettverk i energisektoren og maritim industri.

• Bidra til løysingar på globale klima- og miljøutfordringar.

• Konkurransedyktig lønn og forsikringsordning, fleksibel arbeidstid og god kultur.

Om du er klar til å ta på deg ei spennande rolle med store moglegheiter, vil me høyre frå deg raskt.

Søk no – me vurderer søknader fortløpande.

Kontaktpersonar:

• Håvard Tvedte, direktør marknadsutvikling og samfunnskontakt, 926 30 119 / havard@maritimecleantech.no

• Karina H. Sortland, leiar for forretningsdrift og administrasjon, 975 88 764 / karina@maritimecleantech.no